skip to main |
skip to sidebar
തമിഴ് സിനിമയില്‍ മാറ്റത്തിന് വഴിയൊരുക്കിയ സംവിധായകരില്‍ പ്രധാനിയായ സമുദ്രക്കനി മോഹന്‍ലാലിനെ നായകനാക്കി മലയാളത്തില്‍ സിനിമെടുക്കുന്നു. സുബ്രമണ്യം ശശികുമാറിനെ നായകനാക്കി 'പോരാളി' എന്ന ചിത്രത്തിന്റെ ഷൂട്ടിങ് തിരക്കിലാണ് സമുദ്രക്കനി. ഈ ചിത്രം പൂര്‍ത്തിയാക്കി ദേശീയ അവാര്‍ഡ് ജേതാവായ വെട്രിമാരന്റെ പുതിയ സിനിമയില്‍ വേഷമിടും. ഈ ചിത്രത്തിനും ശേഷം മിക്കവാറും അടുത്ത ജനവരിയോടെയായിരിക്കും ലാല്‍ ചിത്രം തുടങ്ങുക. രാഷ്ട്രീയ പശ്ചാത്തലത്തിലുള്ള സിനിമയായിരിക്കുമിത്.
സമുദ്രക്കനി തന്നെയാണ് രചനയും നിര്‍വഹിക്കുക. സംഭാഷണങ്ങള്‍ എഴുതുക മലയാളത്തിലെ ഒരു പ്രമുഖ തിരക്കഥാകൃത്തായിരിക്കും. പത്മകുമാര്‍ സംവിധാനം ചെയ്ത ശിക്കാര്‍ എന്ന സിനിമയില്‍ ലാലിനൊപ്പം ഒരു നക്‌സലൈറ്റ് നേതാവിന്റെ റോളില്‍ സമുദ്രക്കനി വേഷമിട്ടിരുന്നു.
കടപ്പാട് : മാതൃഭൂമി
No comments:
Post a Comment