വ്യത്യസ്തത കൊണ്ട് ശ്രദ്ധ നേടിയ കോക്ക്‌ടെയില്‍ എന്ന ചിത്രത്തിന് ശേഷം എഡിറ്ററും സംവിധായകനുമായ അരുണ്‍കുമാറും അനൂപ് മേനോനും ഈ അടുത്ത കാലത്ത് എന്ന ചിത്രവുമായെത്തുന്നു. ചിത്രത്തിന്റെ ട്രെയിലര്‍ വീഡിയോ പുറത്തിറങ്ങി. തികച്ചും വ്യത്യസ്തമായ രീതിയിലാണ് ട്രെയിലര്‍ തയ്യാറാക്കിയിരിക്കുന്നത്.
ഭരത് ഗോപിയുടെ മകന്‍ മുരളീകൃഷ്ണ എന്ന മുരളി ഗോപിയുടെ കഥയാണ് അരുണ്‍കുമാര്‍ സിനിമയാക്കുന്നത്. ഇന്ദ്രജിത്ത്, നിഷാന്‍, അനൂപ് മേനോന്‍, മൈഥിലി തുടങ്ങി നിരവധി താരങ്ങള്‍ അണിനിരക്കുന്ന ചിത്രം നിര്‍മ്മിക്കുന്നത് രാജു മല്യത്ത് ആണ്. വ്യത്യസ്ത ഗെറ്റപ്പിലാണ് ഇന്ദ്രജിത്ത് ചിത്രത്തില്‍ വേഷമിടുന്നത്.
മുരളി ഗോപിയാണ് ചിത്രത്തിന് തിരക്കഥയും സംഭാഷണവും എഴുതുന്നത്. ഛായാഗ്രഹണം ഷെഹ്‌നാദ് ജലാലും സംഗീതം ഗോപി സുന്ദറും നിര്‍വഹിക്കുന്നു. റഫീക്ക് അഹമ്മദ് ഗാനങ്ങള്‍ രചിക്കുന്ന ചിത്രത്തിന് പശ്ചാത്തല സംഗീതം ഒരുക്കുന്നതും ഗോപി സുന്ദര്‍ തന്നെയാണ്. ചിത്രം ഡിസംബറില്‍ റിലീസ് ചെയ്യും.
കടപ്പാട് : മാതൃഭൂമി
No comments:
Post a Comment